Ky është momenti emocional kur dy binjakë bashkohen me njëri-tjetrin pas një viti ndarje për shkak të luftës në Gaza. Videoja është realizuar në Rrugën Al-Rashid në qytetin e Gazës ku mijëra palestinezë po shkojnë në veri të vendit pas marrëveshjes së armëpushimit të arritur midis Hamasit dhe Izraelit.

Shumë prej të zhvendosurve u është dashur të lëvizin disa herë për shkak të paralajmërimeve të ushtrisë izraelite për rrezikun nga bombardimet.

Ndërkohë, Kryeministri izraelit Benjamin Netanyahu shpreson të takohet me Presidentin Donald Trump në Uashington në fillim të javës së ardhshme.

Disa zyrtare amerikanë thanë për Associated Press se detajet e vizitës mund të përcaktohen kur i dërguari special i Trump për Lindjen e Mesme, Steve Witkoff, të udhëtojë në Izrael këtë javë për bisedime me Netanyahun dhe zyrtarë të tjerë izraelitë.

Nëse ky udhëtim realizohet, Netanyahu mund të jetë lideri i parë i huaj që takohet me Trump në Shtëpinë e Bardhë që nga inaugurimi i tij si president javën e kaluar.

Klan News