“X Factor Albania”, edicioni i 6-të i talent show-ut më të madh dedikuar zërave të rinj të muzikës në botë, nis mbrëmjen e kësaj të premteje, në ekranin e Televizionit Klan. Audicionet u gjykuan nga emra prestigjozë të artit shqiptar.

Të rinj të talentuar nga Shqipëria dhe trojet shqiptare me zërat e tyre befasuan publikun, që i ndoqi live, ndërsa premtojnë një rrugëtim të gjatë. Më të mirët prej tyre morën “Po”-të e jurisë për të vijuar garën në fazat e tjera; vilat e jurisë dhe netët live, në skenën e “X Factor”.

Si skena dhe backstage-i solli emocionet e konkurrentëve, të cilët e shohin “X Factor” si mundësinë e artë për rrugëtimin e tyre në muzikë. Produksioni i drejtuar nga Vera Grabocka dhe Alketa Vejsiu premtojnë një sezon të ri të “X Factor” spektakolar dhe me ata që do të jenë e ardhmja e muzikës shqiptare!

Mos e humbisni këtë sezon fantastik të “X Factor” vetëm në Televizionin Klan, të premten në orën 21:00.

Tv Klan