Casemiro ishte një nga lëvizjet më të bujshme të Manchester United në sezonet e fundit, por paraqitjet e tij kanë qenë larg pritshmërive.

Braziliani nuk ka arritur të përshtatet në Premier League dhe po mendon të ndryshojë ambient. E ardhmja e mesfushorit mund të jetë në Serinë A.

Sipas “Sky Sport Italia”, Casemiro ndiqet nga Roma, ndërsa vetë lojtari ka dhënë miratimin për një transferim në kryeqytet.

Verdhekuqtë mund të humbasin Leandro Paredes këtë merkato, me argjentinasin që ndiqet nga Boca Juniors.

Nëse kjo lëvizje do të realizohej, atëherë do të hapej rruga për një transferim të Casemiro-s te Roma. /tvklan.al