Arkeologët e Drejtorisë së Shërbimit Arkeologjik kanë realizuar me sukses një gërmim shpëtimi në fshatin Shënmëri të Tiranës, ku u zbulua një varrezë që daton në dy periudha historike të rëndësishme, atë helenistike dhe mesjetare. Lajmin e ka publikuar Kryeministri Edi Rama i cili shkruan se një zbulim i jashtëzakonshëm arkeologjik ka dalë në dritë.

“Ky zbulim dëshmi e historisë dhe jetës së banorëve të lashtë të kësaj zone shënon për herë të parë edhe gjetjet e kulturës arbërore në zonën e Tiranës, duke i shtuar vlera të jashtëzakonshme trashëgimisë kulturore të kryeqytetit, por njëkohësisht edhe turizmit historik e kulturor të vendit tonë.”

Stolitë e zbuluara në varret mesjetare ngjajnë me ato të kulturës arbërore të gjetura më parë në Koman, Krujë, Lezhë dhe Përmet, duke treguar për një shpërndarje të gjerë kulturore në Shqipëri.

Klan News